“Currente” di Francesco Ricci

http://www.flickr.com/photos/mvisosky/42529478/

CURRENTE

Nu vaso d’oro
e ‘a varchetella s’alluntana.
Erano misë ca nun se muveva
E mò se ne parte
lassanno pe’ sempe
l’ammore ‘e ‘na vita:
‘A rena.
“Pecchè te ne vaje?
Che t’agge maje fatto?”
Dice ‘a renella
tremmanno ‘e delóre.
“Nun me ne vaco
pe’ farte dispietto.
Me mena ‘a currente:
addò me porta, aggia stà’.”
“Tu te ne vaje
pecché nun me vuò bbene.
Si overo vulisse
ancurasse ‘a catena!”
Ma n’onna s’aiza
senza dicere niente:
‘A varcella è luntana…
Se n’è gghiuta pe’ sempe.
Pe’ ll’afrechë ‘e mare
lucceca ‘o sole
ca nun dice parole
ca nun scarfa ancora.
‘A rena già ‘nfusa
cu ‘e llacreme soje
nun tene cchiù voce
ma cuntinua a cchiammà.

CORRENTE

Un bacio d’oro
E la barchetta si allontana.
Erano mesi che non si muoveva
Ed ora se ne parte
Lasciando per sempre
L’amore di una vita:
La sabbia.
“Perché te ne vai?
Che t’ho mai fatto?”
Dice la piccola sabbia
Tremando di dolore.
“Non me ne vado
Per farti dispetto.
Mi trascina la corrente:
dove mi porta, lì devo stare.”
“Tu te ne vai
Perché non mi vuoi bene.
Se davvero volessi
Getteresti l’ancora!”
Ma un’onda si alza
Senza dire niente:
la barchetta è lontana…
se n’è andata per sempre.
Per le pieghe del mare
Luccica il sole
Che non dice parole
Che non scalda ancora.
La sabbia già bagnata
Con le sue stesse lacrime
Non ha più voce
Ma continua a chiamare.