“Quanno more” di Francesco Ricci

[narrowcolumn foo="bar" side="left"]
QUANNO MORE

M’addunaje ca tutto era cagnato
quanno ‘a luce se stutaje
e scennette ‘o scuro
…Pe’ sempe.

‘Gnorno, nun addiventaje cecato.
Perdette “sulamente”
‘a cosa cchiù ‘mpurtante ca tenevo:
perdette ‘a vita.

Ma cumprenno ca facile nun è
accettà ‘na nutizia ‘e ‘sta purtata.
Nu muorto ca scrive e parla
nun s’è visto int’a nisciuna sceneggiata!

Ma je nun stongo ‘ncoppa ‘o palco
e vuje nun site spettature.
‘O posto addò me trovo
nun tene manco nu culure.

E si dico ‘na parola
nun riesco a sentì’ niente.
Manco ‘a paura ccà se sente
…Si putesse chiagnere, chiagnesse.

Ma quaccosa ‘nfunno ‘nfunno
è rimasto vivo ancora
nun ‘o saccio si è ‘a cerevella
si è ll’anema o si è ‘o core.

Ma ‘na lamparella sta appicciata
(‘a quacche parte mò adda stà’!)
E a me m’ha cundannato
int’a ‘sta bella Eternità.

Maronna mia, ca parola spaventosa!
Sulo mò ca ‘a tengo annanze
Me renno cunto overamente
Ca vvo’ dicere:”Eternamente”.

Quanno si’ vvive nun capisce.
T’abbuffe sulo ‘a vocca
‘e ‘na parola accussì grossa
ca ‘int’a ‘na vocca nun ce stà’.

E comme ce trasesse
l’Infinito sano sano
dint’a vocca ‘e n’essere umano
ca nun sape manco duje cchiù duje quanto fa?!

È comme si pruvasse a fà’ trasì’
‘o cielo e tutt’e stelle
‘o mmare e tutt’e scoglie
tutte ‘nzieme ‘int’a lancella.

Je nun ce ‘a faccio a stà’ accussì.
Chesta morte fa’ spavento!
Acciditeme ‘na vota ancora…
È capace ca po’ moro.

Je nun voglio cchiù penzà’!
Voglio truvà’ pace!
Faciteme ‘o piacere…
Vulesse fosse ajere.

Si putesse turnà’ areto
c’’a cuscienza ‘e chesta morte
Quanti ccose ca facesse…
Quanti ccose ca cagnasse!

Int’a stu traffico ‘e penziere
ca me fanno cumpagnia
nun riesco a stà quieto…
Veco tutt’a vita mia.

Annanze all’uocchie ce sta ‘o mare
‘na prumessa ca scurdaje
nu treno ca perdette
‘na guagliona ca baciaje.

‘O core se strascina
malamente ‘int’a ‘sti strate
Se fermasse! – ce dico je –
Se fermasse!

Ma niente. Nun vuò’ séntere.
Curre curre ‘int’a ‘sti viche
tra ‘e primmavere ca scurdaje
e tra ‘e vierne antiche antiche.

È accussì ca passa ‘o tiempo
Comme si fosse nu tiatro
addò ‘o finale nun esiste
e ‘o presente è già passato.

Comme è scura chesta notte
‘a cchiù scura ‘e tutte quante.
Ma manco ‘o friddo ccà se sente…
Si putesse chiagnere, chiagnesse.
[/narrowcolumn]

[narrowcolumn foo="bar" side="right"]
QUANDO MUORI

Mi accorsi che tutto era cambiato
Quando la luce si spense
E scese il buio
…Per sempre.

No, non diventai cieco.
Persi “solamente”
La cosa più importante che avevo:
persi la vita.

Ma comprendo che non è facile
Accettare una notizia di questa portata.
Uno morto che scrive e parla
Non si è visto in nessuna sceneggiata!

Ma io non sto sopra ad un palco
E voi non siete spettatori.
Il posto in cui mi trovo
Non ha neanche un colore.

E se dico una parola
Non riesco a sentir niente.
Nemmeno la paura qua si sente
Se potessi piangere, piangerei.

Ma qualcosa infondo infondo
È rimasto vivo ancora
Non lo so se è il cervello
Se è l’anima o se è il cuore.

Ma una lucetta resta accesa
(da qualche parte ora deve stare!)
E mi ha condannato
In questa bella Eternità.

Madonna mia, che parola spaventosa!
Solo ora che mi è dinanzi
Mi rendo conto veramente
Che vuol dire: “Eternamente”.

Quando sei vivo non capisci.
Ti riempi solo la bocca
Di una parola così grossa
Che nella bocca non ci sta.

E come ci entrerebbe
L’infinito intero
Nella bocca di un essere umano
Che non sa nemmeno due più due quanto fa?!

È come se provassi a far entrare
Il cielo e tutte le stelle
Il mare e tutti gli scogli
Tutti insieme dentro a un secchio.

Io non ce la faccio a star così.
Questa morte fa paura!
Uccidetemi una volta ancora…
Può darsi che poi muoio.

Io non voglio più pensare!
Voglio trovare pace!
Fatemi il piacere…
Vorrei che fosse ieri.

Se potessi tornare indietro
Conoscendo questa morte
Quante cose che farei…
Quante cose cambierei!

In questo traffico di pensieri
Che mi fanno compagnia
Non riesco a stare calmo
Vedo tutta la vita mia.

Davanti agli occhi ci sta il mare
Una promessa che scordai
Un treno che persi
Una ragazza che baciai.

Il cuore si strascina
A fatica in queste strade
Si fermasse! – gli dico io –
Si fermasse!

Ma niente. Non vuol sentire.
Corre e corre in questi vicoli
Tra le primavere che scordai
E tra gli inverni più antichi.

È così che passa il tempo
Come si fosse un teatro
Dove il finale non esiste
E il presente è già passato.

Come è scura questa notte
La più scura di tutte quante.
Ma neanche il freddo qua si sente…
Se potessi piangere, piangerei.
[/narrowcolumn]